Scroll down for English language version
ທ້າວ ໄມດີ ອາຍຸ 17 ປີ ໄມດີກຳລັງຮຽນຢູ່ມໍປາຍ ໃນເມືອງຄຳ ແຂວງຊຽງຂວາງ. ລາວເປັນໜຶ່ງໃນຄູຝືກຂອງ ChildFund Pass It Back ທີ່ຮັບຜິດຊອບສອນຣັກບີ້ ແລະ ທັກສະຊີວິດໃຫ້ກັບເດັກນ້ອຍໃນຊຸມຊົນຂອງລາວ. ພ້ອມກັນນັ້ນລາວຍັງເປັນນັກກິລາຂອງສະໂມສອນຊ້າງຄຳ ເຊິ່ງເປັນການຫຼີ້ນຣັກບີ້ແບບປະທະ ແລະ ກໍ່ໄດ້ມີໂອກາດໄປແຂ່ງຂັນງານຣັກບີ້ນານາຊາດທີ່ນະຄອນຫຼວງວຽງຈັນໃນປີ 2020. ສະໂມສອນຊ້າງຄຳແມ່ນສະໂມສອນຣັກບີ້ທີ່ສ້າງຂື້ນໂດຍໄວໜຸ່ມທີ່ມີຄວາມມັກຮັກໃນກິລາຣັກບີ້ໄດ້ລວມໂຕກັນຝຶກຊ້ອມຣັກບີ້ໃນຊຸມຊົນຂອງພວກເຂົາເອງ. ເຊິ່ງສະໂມສອນຊ້າງຄຳແມ່ນຖືກສ້າງຕັ້ງໃນປີ 2018 ແລະ ປັດຈຸບັນມີນັກກິລາທັງໝົດ 45 ຄົນ ໃນນັ້ນແມ່ນຜູ້ຍິງເກີນ 50 ເປີເຊັນ.
ເຊິ່ງໄມດີເລີ່ມຮູ້ຈັກກິລາຣັກບີ້ຈາກການເປັນນັກກິລາຂອງ ChildFund Pass It Back ທີມ ວິຫົກເຫີນຟ້າ ທີ່ໄດ້ຝຶກຊ້ອມນຳຄູຝຶກຄໍາໝັ້ນ. ຈາກນັ້ນລາວກໍ່ໄດ້ມີຄວາມສົນໃຈສະໝັກເປັນຄູຝຶກເພື່ອສອນຫຼັກສູດ Pass It Back ໃຫ້ກັບເດັກນ້ອຍ ແລະ ໄວໜຸ່ມພາຍໃນຊຸມຊົນຂອງລາວ. ໃນໄລຍະການເປັນຄູຝຶກໄມດີໄດ້ມີຄວາມສົນໃຈໃນການຫຼີ້ນຣັກບີ້ແບບປະທະ ເພາະວ່າເຫັນການແຂ່ງຂັນ ແລະ ການຝຶກຊ້ອມຂອງທີມສະໂມສອນມັນມ່ວນ ແລະ ລາວເລີຍຢາກລອງເຂົ້າຫຼີ້ນເບິ່ງ. ໄມດີເລົ່າວ່າ “ການຫຼີ້ນຣັກບີ້ແບບປະທະມັນເປັນການຫຼີ້ນທີ່ຄ້າຍຄືກັນກັບການຫຼີ້ນຣັກບີ້ແທັກ ເຊິ່ງຂ້ອຍຢາກເຂົ້າໄປຮຽນຮູ້ທັກສະການຫຼີ້ນ ແລະ ນຳມາແບ່ງປັນປະສົບການກັບນັກກິລາຂອງຂ້ອຍທີ່ກຳລັງຮຽນຫຼີ້ນຣັກບີ້ແທັກຢູ່”
ການເຂົ້າເປັນນັກກິລາ ສະໂມສອນຊ້າງຄຳເຮັດໃຫ້ລາວໄດ້ມີໂອກາດໄປຝືກຊ້ອມທັກສະຣັກບີ້ປະທະກັບໝູ່ເພື່ອນໃນທີມເທື່ອທຳອິດ ໄມດີມີຄວາມຮູ້ສຶກ “ຂ້ອຍຕື່ນເຕັ້ນຫຼາຍເພາະມັນເປັນການຫລີ້ນຣັກບີ້ແບບໃໝ່ ທີ່ມີການປະທະກັນ. ທຳອິດຂ້ອຍຄິດວ່າມັນເປັນກິລາທີ່ໃຊ້ກຳລັງ ແລະ ໃຊ້ຄວາມແຂງແຮງອາດມີອັນຕະລາຍ. ແຕ່ເມື່ອຝຶກຊ້ອມໄປໄດ້ໄລຍະໜຶ່ງຂ້ອຍກໍ່ເຂົ້າໃຈວ່າມັນບໍ່ແມ່ນກິລາທີ່ອັນຕະລາຍ ແລະ ທຸກຄົນສາມາດຫຼີ້ນໄດ້ ບໍ່ວ່າຈະເປັນຍິງ ຫຼື ຊາຍ ກໍ່ສາມາດຫຼີ້ນຣັກບີ້ແບບປະທະໄດ້.” ການຫຼີ້ນຣັກບີ້ແບບປະທະ ແມ່ນມີທັກສະການເຂົ້າປະທະທີ່ໄດ້ຮັບການສອນຈາກຄູຝຶກທີ່ໄດ້ຮັບການຢັ້ງຢືນຣັກບີ້ລະດັບສອງ ແລະ ມີປະສົບການໃນການຫຼີ້ນຣັກບີ້ຫຼາຍປີແລ້ວ. ສະນັ້ນການຝຶກຊ້ອມແມ່ນມີຄວາມປອດໄພ ແລະ ນັກກິລາໃນສະໂມສອນຊ້າງຄຳກໍ່ໄດ້ມີການຝຶກຊ້ອມຣັກບີ້ແບບປະທະເປັນເວລາເກືອບສອງປີແລ້ວ. ສ່ວນໄມດີແມ່ນໄດ້ຝຶກຊ້ອມນຳສະໂມສອນຊ້າງຄຳເປັນເວລາໜຶ່ງປີ. ໃນນັ້ນມັນໄດ້ເຮັດໃຫ້ໄມດີໄດ້ຮັບທັກສະການຫຼີ້ນຣັກບີ້ແບບປະທະ ແລະ ວິທີການໃຊ້ສູດການຫຼີ້ນທີ່ມີຫຼາຍຮູບແບບບໍ່ວ່າຈະເປັນການບຸກ ຫຼື ຕ້ານ. ພ້ອມທັງໄດ້ຮັບໂອກາດໃນການເຂົ້າຮ່ວມການແຂ່ງຂັນຣັກບີ້ທີ່ງານແຂ່ງຂັນວຽງຈັນນານາຊາດທີ່ນະຄອນຫຼວງວຽງຈັນ.
ນອກຈາກນັ້ນໄມດີກໍ່ຍັງບອກອີກວ່າໃນປີຕໍ່ໄປສະໂມສອນຊ້າງຄຳຈະພັດທະນາການບໍລິຫານສະໂມສອນ ແລະ ທັກສະການຫຼີ້ນຂອງທີມໃຫ້ດີຂື້ນ. ໄມດີໄດ້ມີແຜນກັບຕົນເອງວ່າ “ຂ້ອຍຈະຕັ້ງໃຈຊ້ອມເພື່ອພັດທະນາທັກສະຂອງຕົນເອງ ໂດຍການຮຽນຮູ້ກ່ຽວກັບທັກສະຈາກຫຼາຍບ່ອນຄື: ການເບິ່ງວິທີຫລີ້ນຣັກບີ້ປະທະໃນສື່ອອນລາຍເຊັ່ນ: Youtube, Facebook ເພື່ອຮຽນເອົາທັກສະທີ່ສາມາດເອົາມາພັດທະນາທີມ ແລະ ຝຶກຊ້ອມກັບທຸກຄົນໃນສະໂມສອນຊ້າງຄຳ. ຂ້ອຍຢາກໃຫ້ຫຼາຍຄົນເຂົ້າມາມີສ່ວນຮ່ວມໃນການຝຶກຊ້ອມ ຫຼື ສະໜັບສະໜຸນສະໂມສອນຊ້າງຄຳຂອງເຮົາຫຼາຍຂື້ນ ເພາະກິລາຣັກບີ້ອາດເປັນກິລາໃໝ່ ແຕ່ມັນເປັນກິລາທີ່ໃຫ້ໂອກາດທຸກຄົນໄດ້ຫຼີ້ນ ແລະ ໄດ້ໄປແຂ່ງຂັນໃນຫຼາຍບ່ອນ. ພ້ອມທັງມີຄວາມສາມັກຄີກັບທີມ ແລະ ຮຽນຮູ້ໝູ່ໃໝ່ອີກ.”
ເຫັນໄດ້ວ່າໄມດີສາມາດຮຽນຮູ້ທັກສະການຫຼີ້ນຣັກບີ້ແບບປະທະ ເພື່ອເອົາໄປສອນ ແລະ ພັດທະນາທັກສະການຫຼີ້ນຂອງນັກກິລາພາຍໃຕ້ຫຼັກສູດ Pass It Back ໄດ້. ສຳລັບການເປັນນັກກິລາສະໂມສອນຊ້າງຄຳທີ່ຫຼີ້ນຣັກບີ້ແບບປະທະ ແມ່ນເຮົາບໍ່ຕ້ອງມີຄວາມພ້ອມຫຍັງ ມີແຕ່ໃຈມັກ, ມີຄວາມຫຼົງໄຫຼໃນການຫຼີ້ນເທົ່ານັ້ນກໍ່ສາມາດຫຼີ້ນໄດ້ຄືກັນກັບໄມດີ. ສຸດທ້າຍນີ້ແມ່ນຢາກໃຫ້ຫຼາຍຄົນທີ່ບໍ່ຮູ້ຈັກກິລາຣັກບີ້ ລອງເປີດໃຈເຂົ້າມາຝຶກຊ້ອມ ແລະ ຮຽນຮູ້ນຳກັນ ແລ້ວຈະຮັບຮູ້ວ່າການຫຼີ້ນຣັກບີ້ບໍ່ໄດ້ຍາກຄືທີ່ຄິດ.
Maidee is a 17 year old rugby coach and player from Secondary School. He lives in Xieng Khouang province. Maidee is a ChildFund Pass It Back coach and delivers rugby and life skills to children in his community. Maidee is also a contact-rugby player with the Xangkham Club. Xangkham Club is a rugby club that was founded in 2018 by youth who loved rugby and wanted to have a place to share their passion. Currently, the Xangkham Club is a key rugby club in Kham District with 45 players, among whom more than half are female.
Maidee first learned about rugby from the ChildFund Pass It Back program, and upon graduation he became a coach for the program. During the time he was a coach, he became interested in contact rugby when he saw other clubs playing it at competitions. Contact rugby looked fun and fascinating and he was inspired to give it a try.
“There are many similarities between contact rugby and tag rugby. I wanted to learn about contact rugby and share my experience with my players in my tag rugby community.”
Joining the Xangkham club and playing contact rugby for the first time was so special for Maidee, “Contact rugby felt exciting because it was so new to me. There was some contact, and at first I thought it was a violent sport that required a lot of strength. But once I got to involved in it, it was not violent at all, and everyone can play it, male and female - they can all play contact rugby!”
After developing as a player in the Xangkham Club, he was even granted the opportunity to join the contact rugby competition in Vientiane Capital.
Maidee also added that Xangkham club is constantly improving its club administration and player performance. Maidee has a plan that, “I will work harder and keep developing my skills and seek information through many platforms, such as, in person, YouTube, and Facebook, for myself and for my team. I want many people to join our club and expand the rugby society, improve our abilities and get to travel and join rugby games in many places.”
Maidee’s story exemplifies how local rugby clubs offer a critical path for passionate players to gain further training in contact rugby.
